Cymraeg, Caredig, Cyfrifol

Disgyblion a chyfleusterau Ysgol Morgan Llwyd, Wrecsam

Newyddion Sylw

Darllen mwy...

Hysbysfwrdd

Noson Wybodaeth Blwyddyn 11

Os nad oeddech yn gallu bod yn bresennol yn Noson Wybodaeth Blwyddyn 11 yr ysgol...

Cliciwch YMA am gopi pdf o'r cyflwyniad

Cliciwch YMA i weld recordiad o'r cyflwyniad a ddefnyddiwyd yn ystod y cyfarfod!

Yn anffodus roedd problem gyda'r recordiad Cymraeg felly mae copi o'r recordiad Saesneg wedi ei atodi.

Noson wybodaeth Blwyddyn 8 a 9

Os nad oeddech yn gallu bod yn bresennol yn Noson Wybodaeth Blwyddyn 8 a9 yr ysgol...

Cliciwch YMA am gopi pdf o'r cyflwyniad

Cliciwch YMA i weld recordiad o'r cyflwyniad a ddefnyddiwyd yn ystod y cyfarfod!

PWYSIG! MAE YSGOL MORGAN LLWYD YN YSGOL DDI-GNAU!

Er mwyn cadw'r disgyblion a staff hynny sy'n dioddef o alergedd cnau yn hapus ac yn iach, sicrhewch nad ydych chi'n dod â bwydydd sy'n cynnwys cnau i'r ysgol!

Noson Wybodaeth Blwyddyn 10

Os nad oeddech chi'n gallu bod yn bresennol yn Noson Wybodaeth Blwyddyn 10...

Cliciwch YMA i weld y sleidiau a ddefnyddiwyd yn ystod y cyflwyniad!

Noson Wybodaeth Blwyddyn 7

Os nad oeddech yn gallu bod yn bresennol yn Noson Wybodaeth Blwyddyn 7 yr ysgol...

Cliciwch YMA i ddarllen crynodeb o'r cyfarfod!

Cliciwch YMA i weld y sleidiau a ddefnyddiwyd yn ystod y cyfarfod!

Canlyniadau Lefel A 2024

Fel yr adroddwyd yn ddiweddar yn y Wasg, mae canran y bobl ifanc 18 oed o Gymru sy'n gwneud cais i brifysgol yn is na gweddill y DU. Dim ond 33.8% o bobl ifanc 18 oed yng Nghymru oedd wedi gwneud cais am leoedd prifysgol erbyn diwedd mis Mehefin, o'i gymharu â'r ffigwr ar draws y DU o 41.9%. Yma, yn Ysgol Morgan Llwyd, mae 92% o'n myfyrwyr wedi gwneud ceisiadau tra bod eraill wedi sicrhau prentisiaethau neu gyflogaeth.

Rydym yn arbennig o hapus gyda chanlyniadau Safon Uwch 2024 sydd hyd yn oed yn uwch ym mhob dangosydd o'i gymharu â 2023.

Dywedodd Catrin Pritchard, Prifathrawes, “Mae'r cyflawniad rhagorol hwn yn dyst i wytnwch, ymroddiad a gwaith caled ein myfyrwyr, eu teuluoedd, a staff addysgu ymroddedig yr ysgol.

Bydd y sgiliau a'r wybodaeth y maent wedi'u datblygu yn sylfaen gref wrth iddynt symud ymlaen i ddilyn eu llwybrau dewisol. Ydyn, maen nhw wedi cyflawni'n academaidd ond maen nhw hefyd wedi datblygu fel unigolion gwych, cytbwys a gofalgar ac rwy'n hyderus y bydd eu hymdrechion yn y dyfodol yn cael eu bodloni gyda'r un ymrwymiad a llwyddiant ag y maent wedi'i ddangos yn ystod eu hamser yn Ysgol Morgan Llwyd.

Ar ran cymuned gyfan yr ysgol, estynnaf fy llongyfarchiadau gwresog i bob un o'n myfyrwyr a dymuno pob llwyddiant iddynt ar gyfer eu dyfodol."

Ychwanegodd Heledd Stanford, Pennaeth y Chweched Dosbarth, "Rwy'n teimlo'n falch iawn o'r myfyrwyr hyn, sy'n gweithio'n galed. Hoffwn ddiolch iddyn nhw am eu cydweithrediad a dymuno'r gorau iddyn nhw ar gyfer y dyfodol."

Grwp Cefnogi Gofalwyr

Ble: Ysgol Morgan Llwyd.

Pryd: Pob yn ail ddydd Iau am 12.00yp yn cychwyn o’r 07-03-24.

Pwy: Unrhyw un sydd yn gofalu am blant / pobl ifanc nad ydynt yn rhieni / llys-rieni iddynt e.e. y rhai sydd â Gorchymyn Gwarcheidwaeth Arbennig.

Pwy sy'n gofalu am y gofalwyr?

Am ragor o wybodaeth, cysylltwch â Ms Heddus Wyn, Ysgol Morgan Llwyd.

EIN CAMPWS

Cliciwch YMA i ddefnyddio map rhyngweithiol o'r campws!

POENI AM WAITH YSGOL EICH PLENTYN?

Ydy eich plentyn yn cael trafferthion deall pynciau penodol, technegau adolygu, cymhelliant neu brofion?

Bellach, gallwch gyfeirio eich plentyn at Hwb Dysgu/Addysgu yr ysgol i gael help unigol, ychwanegol!

Cliciwch YMA i ddarganfod sut mae gwneud hyn!

Cliciwch YMA i fynd i wefan Yr Hwb Dysgu!

Digwyddiadau i Ddod

Nov

Noson Rhieni Blwyddyn 11

Dec

Brechiadau Ffliw (7-11)

Dec

Gwyliau Nadolig

Jan

HMS (Hyfforddiant staff)

Calendr Llawn

Ysgol Morgan Llwyd, Wrecsam

Croeso i wefan Ysgol Morgan Llwyd. Ysgol uwchradd gyfrwng Cymraeg yw Ysgol Morgan Llwyd wedi’i lleoli yn ninas Wrecsam ac sy’n gwasanaethu dalgylch eang Sir Wrecsam. Daw ein disgyblion o’r ddinas ei hun, y pentrefi cyfagos ac o ardal wledig Dyffryn Ceiriog. Ysgol Morgan Llwyd yw unig ysgol uwchradd Gymraeg y Sir ac un o’r ddwy ysgol yn unig sydd â Chweched Dosbarth.

Ein Gweledigaeth

Mae Ysgol Morgan Llwyd yn gymuned falch, groesawgar sy’n angerddol dros allu pob unigolyn i gyflawni ei botensial a’i uchelgais, ac i ddatblygu i fod yn aelod hapus, hyderus, annibynnol a chyfrifol o’i gymdeithas.

Yma, mae pob unigolyn yn cyfrif. Dathlwn fod pob unigolyn yn unigryw a bod pawb yn cael eu hannog i ffynnu’n academaidd, yn greadigol ac yn bersonol mewn awyrgylch Cymraeg clòs, gofalgar a chefnogol. Does neb yn cael ei adael ar ôl.

“Ym mhob llafur mae elw”. Ym Morgan Llwyd, cydweithiwn tuag at, a chyd-ddathlwn, ragoriaeth a llwyddiannau pob aelod o’n cymuned.

Cymraeg. Caredig. Cyfrifol.

Ein Gwerthoedd

Mae disgyblion Ysgol Morgan Llwyd yn ddysgwyr uchelgeisiol

Rydym yn parchu hawl pawb i ddysgu
Rydym yn barod i fentro a dyfalbarhau
Rydym yn falch o’n gwaith, o’n ysgol a’n gwlad

Mae disgyblion Ysgol Morgan Llwyd yn ddinasyddion da

Rydym yn gwrtais a charedig at bawb
Rydym yn gofalu ar ôl ein hysgol a’n gilydd
Rydym yn cymryd rhan ym mywyd yr ysgol